?????
زائر
 | | موضوع: الإذاعة الوطنية كانت غا توقف الأربعاء 12 مايو 2010 - 21:55 | |
| [center] 
الشوهة الشوهة الشوهة ديال بصح كانت غا توقع ، على شوية ما توقف الإذاعة الوطنية على البث ديالها، راه غير برضا الوالدين و دعوات الشرفة و مجهودات ديال التقنيين لخدامين في الإذاعة دازت الأمور سلامات و إستمر البث. و هاد التوقف لكان غا يطرا راجع بالأساس كيما قالو الناس لخدامين فالإذاعة، لرداءة و إهتراء الأجهزة التقنية، لي ما ولا فيها ما يصلاح. و مع نيت راه ديما ملي تطيح صدفة فالإذاعة تتبدا تسمع غير التخرشيش بحال كيخرج الصوت من شي بير، و إلى دارتي مقارنة بين الإذاعة الوطنية و الإذاعة الخاصة غا يبان ليك الفرق مزيان. راه واقيلا دوك الأجهزة باش خدامين في الإذاعة الوطنية ما تبدلوش من عهد مكانتش التلفازة، و لي كيفرشخ بالضحك فهاد القضية كلها أن فيصل لعرايشي الشاف لكبير ديال الشركة الوطنية للإذاعة و التلفزيون فالوقت لكان التكنيسيانات مقاتلين مع دوك الأجهزة هو كان فالبرلمان حاضر فشي ندوة ديال الإعلام و المجتمع كيهدر على دور الذي تلعبه الإذاعة في المجال السمعي. واشوفليك الجبهة لعند هاد خينة هي الإذاعة خاص كاع الأجهزة تمشي لفوريان هو كيهدر على الدور. و الصراحة راحة و بناتنا لكان غا وقفات ديك الإذاعة النيت |
|
