هذا واحد العاصي مشى عند إبراهيم بن أدهم رحمه الله قال ليه انصحني باش مانبقاش نعصي الله قاليه إبراهيم واخا غادي نعطيك خمس نصائح تصنّت وتصنتوا حتى نتوما يا أعضاء وزوار عين زورة 24 :
النصيحة 1: قالّو إلاَ بغيتي تعصي الله ماتبقاش تاكل من رزقو! تعجّبْ السيد وقالّو كيفاش مناكُلش من رزقو والرّزق اللي فالكوْن كلشي ديالو سبحانه.قالو إبراهيم ماتحشمش تاكل من رزقو وتعصيه.
النصيحة 2: قالّو إلاَ بغيتي تعصي الله ماتسكنش فأرضو سير شوف شي أرض أخرى اسكن فيها قالُّو الرجل سبحان الله الكون كله لله فين غادي نلقى أرض ماشي ديال الله باش نسكن فيها. قالو إبراهيم ماتحشمش تسكن فالأرض ديالو وتعصيه.
النصيحة 3: قالّو ابراهيم بن أدهم إلاَ بغيتي تعصي الله شوف ليك شي بلاصة فين مايشوفكش فيها ! قالو الرجل سبحان الله فين نقدر نتخبى منّو وهو يعلم خائنة الأعين وما تخفي الصدور!؟! هاتي الرابعة.
النصيحة 4: قالو إلا جاك ملك الموت قل ليه يصبر عليك شويا حتى توب وترجع لطريق عاد يخرّجْلك الرّوح! قالّو الرجل كيفاش نقدر نطلب منّو هادشّي وهو مأمور مايقدرش إخالف أمر الله؟ هاتي الخامسة..!!
النصيحة 5: قالّو ملّي يجيولك زبانية جهنّم باش يدِّوك ليها دفعهم عليك ولا هرب ليهم!! قالّو الرجل سبحان الله واش نقدرليهم أنا باش ندفعهم ولا نهرب ليهم؟ حسبك حسبك حسبك أستغفر الله وأتوب إليه أستغفر الله وأتوب إليه أستغفر الله وأتوب إليه
شوفو الحكمة اللي اعطها الله لإبراهيم ابن أدهم رحمه الله وقع كلامه في قلب الرجل حتى تاب توبة نصوحا
