كلنا من أجل مساعدة غيرنا

بسم الله الرحمن الرحيم

اخواني اخواتي السلام عليكم ورحمة الله وبركاته :

قال تعالى:(ومن كان غنيا فليستعفف).

اخواني الكرام ..في منطقتنا الحبيبة فيها اغنياء (الله يزيدهم خير على خير) ولكن المشكل هو ان هؤلاء الاغنياء حسب ما اعتقد انهم يرون كل من حولهم اغنياء ..
ولكن هذا خطأ ....
ما خصناش ننساو باللي المنطقة ديالنا فيها بعض الفقراء والمحتاجين....
ومن هنايا غادي نتطرقو للموضوع ونحاولو نتفقوا وان شاء الله الفكرة غادي تكون ساهلة ونحاولو كاملين نديرو يد في يد ونتاحدو فيما بيننا باش انحقوا شي حوايج اللي
نسأل الله تبارك وتعالى ان تعود علينا بالنفع جميعا ...

استسمح عن هذا التطاول وادخل مباشرة لاقتراح الفكرة:

شي ناس و كاينين بزاف منهم كيخصهم لازم يشريو ادوية ولكن في بعض الاحيان مكيلقاش باش يشري والله غالب ولا كيشري الدواء و يخلي ولادو بلا ما يصرف عليهم..وهاد الشي كيوقع .والله يكون فعونهم.

هاد الشي فقط شرح بسيط والاتفاق هو:

علاش منتفقوش انديرو واحد الصندوق داخل الصيدلية ويحاول كل واحد فينا يساهم بواحد القدر اللي يقدر عليه ..والصيدلاني غادي يتصرف بهاد المبلغ ويساعد به الناس
اللي هم محتاجين لهاد الدواء ومعندهومش امكانية الشراء..ولا يحاول يخفض عليهم شوية ويأخذ المقابل من هاذا الصندوق الى لقى فيه شي حاجة .

اوا شنو رأيكم انساعدو اللي محتاج حقا لمساعدة غيره..
ودائما الحاضر ابلغ الغائب وانا غادي نستنى الرأي ديالكم حول هاد الفكرة وسمحو ليا بزاف بزاف راني كترت عليكم بطرح الافكار.

هادا غير لبلان ديال الفكرة الى بغيتوا نكاملو البناء يالله بسم الله.