مسمن ديال الكفتة

السلام عليكم

مسمن ديال الكفتة



مقادير الحشوة
250 كفتة، 2بصلاة ،1فلفلة خظراء 1حمراء، نصف زلافة ديال الروز ، زلافة ديال فرماج محكوك، زلافة ديال زيتون مقطع، 2كنور ، 3معالق كبار كتشوب زيت لسيور ، ملعقة كبيرة ديال لهريسة، لعطور ابزار،ملح، قسبر،


اولا نخذو الكفتة نديفو ليها قسبر مقطع 2بصلاة مشلضات شوية ديال زيت شوية ملحة 2كنور ،لعطور على حساب ، ملعقة ديال لهريسة نخلطو مزيان




بعدما خلطنا كلشي مزيان نطيبوها فالمقلا حتى طيب

بعدما طابت نحيدوها نطفيو النار ونزيدو ليها الروز المصلوق فالماء الزيتون الكتشوب الفلفل المقطع صغير مشحر فالشوية ديال الزيت و شوية ديال الكوزة محكوكة نخلطو كلشي مزيان ونخلوه يبرد .



ندوزو لي المقادير ديال العجين



كأس ديال الماء دافىء ، 1كيلو ديال دقيق 1خميرة ديال الحلى ،ملعقة صغيرة ديال خميرة ديال الخبز شوية ديال الملح نخلطو مزيان وندلكوه بحال لمسمن



ونديرو كويرات صغار قد البيضة ولا قل شي شوية وندهنوهم بالزيت والزبدة نديروهم فشي صينية نغطيو بالميكة باش يرطابو



نجيبو واحد لكويرة نسرحوها بالزيت والزبدة نسرحوها مزيان حتى تكون رقيقة



نجيبو شية ديال الكفتة نديروها فالوسط ديال الدائرة نديرو فوقها الفرماج كيما فالصورة











بعما ما نطويو لمسمنة الاولى نسرحو وحدة اخرى ونديرو فوسطها هديك لي سرحناها بحالي كيباف فالصورة



ونعودو نطويو بحال الطريقة الاولى









نسرحوها شوية ونديروها طيب ف( سوذ)




او


ا
لنتيجة







بالصحة والراحة

chokran 3la had almajhod alra2i3 f alha9i9a chahitini bhad lamsaman

chokran moslima holanda 3ala had lamsamman thnk you

wawwwwwww kaychahhi merci

شكرا لمروركم جميعا وبارك الله فيكم

لي باغية شي استفسار انا موجودة ان شاء الله

mtalssia كتب:

السلام عليكم

شكرا جزيلا على مجهودك الاخت مسلمة،بارك الله فيك.

وعليكم السلام اختي مطالسية العفو ههههههه الى شهيتك مد يدك وخذي لك شي وحيدة ههههه متحشميش الدار دارك

اوى مزيان بعد مين عجباتكم الوصفة لاني تعبت باش النزل هاد الموضوع

الموضوع مثبت
تباركالله عليك أختنا مسلمة هولندا
واش هادشي كادريه فهولاندا ولاغي فعينزورة؟شكرا لك ياشميشة ديال عين زورة

تحياتي لك يآاختي على مجهوداتك
كفتة وشْمَن كفتة

شكرا على التثبيت لا فينما كنت

mtalssia كتب:

السلام عليكم
شكرا الاخت مسلمة -هولند ،موضوعك حقا استحق التثبيت،مزيدا من التوفيق والنجاح.

لقدت آخذت مسمنة واحدة فقط كما طلبت مني هههه ،شكرا جزيلا واليك الصورة:

مع أرق وأخلص تحية

هههههه اختي مطالسية انتي واعرة هههههه اوا الا لة بصحتك ارحتك اوا نخليك في امان الله حتى لشي وصفة اخرى وندوقك عوتاني هههههه

hadchi mlih radi ndiro faddar njarrab merci moslima holanda alah ikhalik lina

mtalssia كتب:

السلام عليكم

تبارك الله عليك اختي الله يعطيك الصحة.
ننتظر المزيد من وصفاتك ...

و انا ايضا ترقبي بعض وصفاتي بعد حصولي على كاميرا ،فهي ضرورية للتصوير والشرح المفصل ههههه...

ومن بين الوصفات سأقدم البلبولة بالقرع الاحمر هههههه نظرا للفوائد القيمة لـ(تاخسايث نعين زورة) التي كن نجهلها.

تقبلي مزاحي أختي ،واشكرك جزيل الشكر.
تحيتي

السلام عليكم ميمميميميم انتضر الوصفات على احر من الجمر ميم ميم تخساشت واللفت ديال عينزورة كيعجبوني بزاف
اتمنى لك المزيد من التالق و اسعد الله قلبك

kawtar كتب:

hadchi mlih radi ndiro faddar njarrab merci moslima holanda alah ikhalik lina

العفو اختي كوثر بارك الله فيك اوا طبقي الوصفة مزيان عند واحد الملاحضة متكتريش لخميرة فالعجين الى كترتيها غادي يبقى يتقطع ليك العجين مين غادي تبداي تسرحيه ولاعجين مدريهش قاسح خاصو اكون رطب و شكرا

chokran

السلام عليكم اه اختي راني كنستنى اوا راه طمعتيني هههههههه واش بغتي تقسني شي صدمة ههههههههه

البلبولة الموعودة للأخت أمطالسية

إلى والو نصيفتوك لمحكمة المنتدى بحال الخمسي ههه

اختي مطالسية مشيتي فيها هههههههه واقيلة الى محطتيش البلبولة غاد اسفتوك عند المحكمه هههههه صدق من قال قَمُومْتِي هي مْشُومْتِي هههههههه

السلام عليكم ههههههههه وقلت لييييييييك فيناهية البلبوووووووووووولة ههههههههه اختي مطالسية فقستني بالضحك فالحقيقة كن قنطانة فوجت عليا ولكن ضحكت مزيان حتى ان كلش لي معاية كيسولوني اشنو واقع ياك لباس واش حماقتي ولا ههههههه

اجي بعدا بعدا اختي حرام عليك اش درت ليك هههههههههه قتلتني اوا الالة هنا غادي نلبسك 3 قضايا الاولة هي عدم الالتزام بالوعود 2 قتل نفس بريئة بغير وجه حق 3 هي استعمال سلاح شخص اخر لنسب التهمة اليه هههههههه

وراك وراك والزمن طويل هههههههه شبح مسلمة سوف يطاردكي ايينما كنت ههههههه هيا استسلمي او حطي لينا البلبولة في اقرب وقت ممكن ولا...تثيري غضبي

ههههههههههههههههههه

شكرا لك أختاه
كنت قد عزمت أن لا أكتب ردا حتى أتذوقه
وقد فعلت إذن مسمان واشمن مسمان
تبارك الله عليك أختنا وننتظر المزيد إن شاء الله
كما تشكركِ زوجتي

سعيد أعزيل كتب:

شكرا لك أختاه
كنت قد عزمت أن لا أكتب ردا حتى أتذوقه
وقد فعلت إذن مسمان واشمن مسمان
تبارك الله عليك أختنا وننتظر المزيد إن شاء الله
كما تشكركِ زوجتي

السلام عليكم العفو لا شكر على واجب
و شكرا

[quote="mtalssia"][color=green][center]السلام عليكم

الاخت مسلمة آش هاد التهم ؟؟؟؟؟اقراي مزاين الرد ديالي راه الصورة غير تحذير انا مقتلت حد ههههه

ولكن هالبلبولة اوا كولي حتى تشابعي..شوفي الصورة المتحركة:



asalam 3alikom chokran okhti ewa safi daba ma3andi manatssalak hhhhhh rah klit hata chba3t okhti mtalssia kont faqat amzah fana katirat al mozaah

مشكور وبارك الله فيك

شكرا جزيلا اختي مسلمة على الوصفة الشهية ...
واطلب من المحكمة محاكمة الاخت لمطالسية لانها لم تفي بوعدها كما انها قتلت نفس بغير حق ...
كما تدين تدن

بارك الله فيك اختي على هذه الوصفة الرائعة